"Ég held að ég sé komin með beyglu í brisið"

Mér finnst stundum...

2009-01-22T18:00:00.002Z

...eins og ég eigi að vera að gera eitthvað. Eitthvað göfugt. Eitthvað sem er ekki svona veraldlegt og leiðinlegt.
Eins og að selja allt dótið mitt og finna gúrú á Indlandi og hugleiða þangað til ég kemst til himnaríkis án þess að deyja.
Eða selja allt dótið mitt og ferðast um allan heiminn til þess að eins að skoða fólk og tala við fólk. Taka mögulega af því myndir.

Verður þetta alltaf svona? Vakna, fara til vinnu í átta klukkutíma, elda, horfa á sjónvarp eða hanga í tölvunni og fara svo að sofa? Ef ég fer í nám. Þá væntanlega myndi ég klára það og þetta tæki svo við. Færi ég á námskeið... alveg það sama.

Hljómar kannski þunglyndislega en ég er það alls ekki. Er bara að velta því fyrir mér hvort það sé ekki eitthvað meira þarna. Eitthvað sem hægt er að gera til þess að bæta mitt eigið líf og mögulega einhverra annara í leiðinni?
Eða á maður að reyna að græða sem mest til þess að eiga sem mest? Svo ég geti montað mig við hina sem minna eiga? Leggja áherslu á að vera í hrikalega góðu formi, og alltaf óaðfinnanlega snyrt svo engin taki eftir því hvað ég er rotin að innan?

Er kannski einhver millivegur þarna? Sjálfboðastarf? Stuðningsforeldri?
Mér finnst allavega að ég verði að gera eitthvað. Eitthvað sem gefur af sér annað en bara peninga.
Ég á alveg milljón áhugamál. Það vantar ekki. Ég les, mála og teikna, skrifa, tek ljósmyndir... alveg fullt að gera svosem...

Well... þetta kemur bara í ljós líklega...

Kannski ég byrji aftur

2009-01-20T20:40:00.002Z

...að blogga hér. Það er ekki lengur vært á mbl.is blogginu. Þar er bara óþjóðalýður og fýlupúkar. Sem ég er klárlega hvorugt.

Er hinsvegar ansi rónaleg og úfin, það verður ekki tekið af mér. Búin að hanga í rúminu í tvo daga í ælupestar-móki. Hef hinsvegar hugsað mér að mæta til vinnu á morgun, hugsa að einn dagur í viðbót heima ræni mig því litla sem ég á eftir af geðheilsunni.

En tell me... hvor er meira hot? :

Þessi díva hér:

Eða þessi hér? :

Er hætt með þetta blogg...

2007-03-21T14:35:00.000Z

...og farin hingað. Þetta kerfi er of mikið vesen.

Árshátíð og afmæli

2007-02-11T18:43:00.000Z

Fór á árshátíð Byko/Elko í gærkvöldi. Alveg ofsalega fínt en maturinn var vægast sagt ógeðslegur. "Note to self: Aldrei fara aftur svöng í mat á Broadway!"
Hvað foi gras eða hvernig sem það er nú skrifað, er ógeðslega vont. Kannski tókst þeim að klúðra þessu en þetta er ofmetnasti matur veraldar ásamt ostrum. *Gubb*
Ég, íslenskur sveitaalmúginn, kunni allavega ekki að meta þetta.

Maðurinn minn á afmæli í dag, sem þýðir að við vorum stödd á árshátíðinni þegar afmælisdagurinn gekk í garð. Við Gaui, vinnufélagi mannsins míns, fengum Papana til þess að syngja afmælisönginn fyrir heiðursmanninn sem varð svo stoltur að hann steig upp á stól og hneigði sig (það er ekki nóg að vera 207 cm á hæð, hann varð að sjást aðeins betur) :D

Héldum svo famelí afmælisveislu í dag, svona gamaldags með kökum og dóti. Alveg dásamlegt!
Er alveg búin á því eftir þennan sólarhring, langar að sofa þangað til ég á að mæta til vinnu á morgun. Ahh...

Stærðfræðifælni

2007-02-02T23:08:00.000Z

Ég þjáist af stærðfræðifælni og tölublindu (vil ég halda fram) Er gjörn á að snúa við tölum, er sein að hugsa, kann ekki margföldunartöfluna utanað og finnst algebra það hræðilegasta það sem ég veit.
Það er ástæðan fyrir því að ég féll á samræmdu í gamladaga og hef ekki stúdentspróf (get víst ekki fengið skírteinið án þess að taka stærðfræði)
Ég dúxa ef ég sleppi stærðfræðinni. Get lesið eins og herforingi og skrifað að sama skapi. Tungumál, ritgerðir, saga... allt annað en stærðfræði get ég lært, svo...

...Ég keypti mér stærðfræðibók í dag. Fyrir Idjóta. Segi það og skrifa. Fyrsti kaflinn er þá s.s samlagning, frádráttur, margföldun og deiling. Það er mikið og stórt skref fyrir mig að viðurkenna vanmátt minn í garð stærðfræðinnar.
Ég er ekkert að taka neitt í skóla, heldur að dunda mér að reikna svo ég geti nú mögulega lagt þessa fælni til hliðar að eilífu. Taka þann pól í hæðina að gera þetta að "áhugamáli". Reyna að hafa þetta "skemmtilegt". Má til með að reyna.

Ýmsar fréttir

2007-02-01T12:04:00.000Z

Er dottin ofan í alluc.org. Mjög svo girnileg síða sem inniheldur flesta bestu sjónvarpsþætti veraldar. Dásamlegt. Er einmitt að horfa á CSI 7. seríu þessa dagana. Ferlegt að þurfa að mæta til vinnu á svoleiðist stundum, meira vesenið.

Erum með eitt fermingardýr í pössun, einkunnarorð sólarhringsins eru þá s.s "tölvuleikur, ógisslakúl, nei-ég-borða-ekki þetta og glætan"

Hef loksins fengið mér slopp og inniskó og er ég eins og kven útgáfan af Hugh Hefner, amk 14 tíma á dag.

Svo hefur sá fáheyrði atburður gerst að þvottakarfan er tóm. Og ég hef ekki ennþá farið í öll fötin sem ég keypti úti. Ferlegt.
Fer samt aftur út í Maí. Hef engu lofað um hvort eitthvað verði farið í búðir. En þar sem ég þekki mig þetta vel, á ég eftir að titra af spenningi um leið og ég labba Torgalmenningen eða Bergen Storsenter.

Svo af því að ég var svo dugleg að eyða í Danmörku þá sá Íslensk Getspá sér fært um að millifæra á okkur hjónin, hundraðþúsundkall. Já það borgaði sig svo sannarlega að hætta ekki að spila í lottóinu (Sem ég reyndar hafði ætlað að kannsela í langan tíma, maður vinnur aldrei neitt...)

Bara sæt...

2007-01-21T20:08:00.000Z

...og margt skeð. Eða þannig.

*Skipti um vinnu innan fyrirtækisins, aftur
*Verið full
*Eytt 200 þúsund kalli á 2 dögum í útlöndum
*Ekki hætt að reykja
*Gamalt ár fór og nýtt kom
*Er orðin mjó
*Las bók
*Er að sama skapi orðin töff
*Er með klippingu eins og Vigtoría Bekkham
*Uppgötvaði nýjar hljómsveitir
*Er búin að bæta 7 glossum í safnið
*Og nokkrum skóm
*Eignaðist vinkonu

Mitt líf í hnotskurn núna er bara að vera sæt. Ég er í fullu starfi við að vera sæt. Og fyndin.

Já, svona er ég.

2006-11-20T12:05:00.000Z

Sjáðu mig breytast í

Create your own Celebrity Morph™ on MyHeritage.com

Andleysi

2006-11-06T21:34:00.000Z

Veturinn er greinilega kominn. Er hálfandlaus og þreytt.
Myrkrið er farið að hafa áhrif á mig og mér líkar það ekki. Hef alltaf átt pínulítið erfitt með skapið og lundina á veturna. Er að reyna að vinna markvisst í því. Á lýsi ekki að vera gott fyrir skammdegisþunglyndi? Minnir það, ætti kannski að fjárfesta í glasi af perlum, glætan að ég drekki þessa fiskiolíu af stút eins og sumir...

Er ennþá mjó og verð bara mjórri. Sem er nú gott.

Leiðist en nenni ekki að skrifa neitt, það lekur allt út þegar ég þarf að nota kollinn.
Var reyndar á fundi í allan dag, frá 9-17. Hugsaði stíft allan tímann. Kannski það hafi haft áhrif?

Sunnudagur

2006-10-29T18:27:00.000Z

Ligg í rúminu með köttinn á fótunum og lappann á bumbunni. Er ennþá að jafna mig eftir föstudagskvöldið.
Atburðarrásin var eftirfarandi:

*Hvítvín
*Salem Slims
*Lamb
*Rauðvín
*Hvítvín
*Salem Slims
*Súkkulaði
*Hvítvín
*Tequila
*Salem Slims
*Tequila
*Tequila
*Tequila
*Salem Slims
*Tequila
*Tequila
*Tequila....

Jú get ðe pikktjör?
Sofnaði værum fegurðarblundi á leiðinni heim í strætó merktum 13. (Eða ónefndum skutbíl systur ákveðinnar konu)
Faðmaði klósettskálina innilega strax morguninn eftir og hefði dáið fyrir kaffibolla þó að ég drykki ekki kaffi.
Er enn að jafna mig. Aldrei aldrei aldrei drekka Tequila, með yfirmönnum þínum í þokkabót, þetta var þeim að kenna, algerlega.

Er að elda lambalæri a la mamma. Slurp. Svona klassískur sunnudagur.
Hlakka dáldið mikið til jólanna og er strax búin að kaupa hellíng af jóladóti. Shame on me!
Gott að það sé kominn vetur en nenni ekki á nagla.
Langar að fara í verslunarferð til útlanda.
Er með ógeðslegan varaþurrk.
Takk og bless

Er að fara heim...

2006-10-23T09:07:00.000Z

Hef pantað far til Bergen næsta vor. Verð í viku en vildi að ég væri að fara í 7 ár.
Vesen.

Ósmekklegheit

2006-10-16T22:26:00.000Z

Var ógeð í dag, komin með leið á að vera settleg og fín alla daga.
Fór í búðina svona útlítandi: (byrjum efst)

*Með úfið ógreitt hár
*Algerlega ómáluð
*Ótannburstuð
*Eldrautt naglalakk
*Sægrænn trefill
*Skær peach lituð hettupeysa
*Grasgrænn vafningskjóll sem gægðist undan peysunni
*Svartar gamlar ljótar pilsbuxur
*Brúnir hnésokkar
*Ökklaskór úr leðri

Held ég hafi alveg toppað allar flíspeysukonurnar í Bónus þennan daginn.

Ég er pjöttuð. Ég hefði aldrei getað viðurkennt það fyrir nokkrum mánuðum síðan en núna sé ég ljósið.
"Hæ, ég heiti Overmaster og ég er pjattrófa"

Sko nefnilega, fyrir þau sem ekki vita, var ég einu sinni ofboðslega mikið tomboj (stelpustrákur)
Eyddi unglingsárunum í Dickies buxum og hettupeysum, með tagl í hárinu, sígó í annari og hliðartösku í hinni. Annars lagið var ég í gallabuxum með rassinn á milli hnjánna og í Adidas skóm með 10 cm þykkum reimum. *bjánahrollur*
En núna er ég dama, með langar rauðar neglur og í hælaskóm. Og gloss. Mikið af því.

Þetta snýst allt um að sætta sig við sig eins og maður er. Hverju sinni. Ekki eins og maður var.

Árangur

2006-10-08T11:47:00.000Z

Hvernig veit maður að maður er að standa sig í lífinu? Á manni að líða vel?

Ég á mann, ég á ketti, ég á íbúð og nýlegan bíl, er næstum orðin grönn, ekkert sérlega ljót, gengur vel í vinnunni, á góða vini og fjölskyldu. Samt er ég aldrei almennilega sátt, er alltaf hálf eirðarlaus og finnst eins og að það vanti eitthvað, að það vanti eitthvað í þessa heildarmynd. Börn segja kannski þá sumir en hvað svo þegar börnin koma og mér líður eins? Þá er ég í sama pakkanum nema búin að bæta við einhverju öðru til þess að hafa áhyggjur af.
Hvað gerir maður þegar maður getur ekki skýlt sér á bakvið fitu lengur?

Ónýt tölva

2006-09-29T13:48:00.000Z

Já það hlaut að koma að því, tölvan dó.
Fékk nýja eða reyndar tvær nýjar! Múahahahahah!

Lalli gaf okkur eina og svo af því að ég er svo sæt fékk ég lappa.
Svo núna get ég legið í rúminu og glápt á eitthvað sniðugt sem ég hef dl. Já, því núna get ég loksins "hlaðið" niður tónlist og dótaríi. Sem er náttúrulega helber snilld. En ég geri mér grein fyrir því að ég er bófi. Já só?

Annars vinn ég og sef. Og já núna er ég loksins farin að fara í ræktina. Það er bara helvítis gaman sko, hverjum hefði nú dottið það í hug. Og þolið sem ég hef, maður minn! Gæti átt heima á skíðavélinni bara! Eða eitthvað...

Finnst annars töff að NFS lokaði, því núna fæ ég að sjá sápurnar á Sirkus. Jess!

Já og ég elska þá staðreynd að það sé komið haust.
Þegar maður kemur út á morgnana og maður andar gufu, loftið krispí tært og maður þarf helst að vera með vettlinga og trefil. Geggjað. Elskaða.
Hlakka til vetrar, og jóla og snjós (ef hann ákveður að kíkja á okkur þennan veturinn)
Hef aldrei verið spennt fyrir vetrinum en núna er þetta eitthvað öðruvísi, kannski af því að núna kemst ég í einhverjar úlpur? Og lít kannski ekki út eins og fífl með húfu.

Ohhhh. Helvítis.

2006-09-12T13:16:00.000Z

Það er bara rok. Hristast allar rúður.
Og ég er í flíspeysu. Alltof stórri með kalla sniði. Ég hélt að ég myndi aldrei, aldrei viðurkenna það en það er satt.
Er í tilvistarkreppu.
Langar í sígó en máðaekki.
Langar í súkkulaði en máðaekki.
Langar að vera feit en máðaekki.

Er búin að horfa á allar dvd myndirnar. Er búin að lesa allar bækurnar. Búin að lesa allar umræðurnar á Barnahlandi.
Er íllt í maganum og ósofin.
Ohhhhh.

Hélt partí

2006-09-10T13:56:00.000Z

Átti afmæli um daginn og hélt partí/getttúgeðer í gær. Var full. Er þunn.
Fékk ótrúlega fyndna, góða, gæðalega og skemmtilega pakka. Þar á meðal nunnuhettu. Eitthvað misskildu mínar dásamlegu vinnufélagavinkonur kynlífsfetishin mín, hefði frekar viljað hjúkkudót, en þetta dugar.
Mikið hlegið, mikið drukkið og mikið reykt.

Klippti svo síða hárið í gærmorgun. Finnst ég bomba núna.

Eftirfarandi mynd er því til sönnunar ( fyrir ykkur sem ekki hafa séð mig er ég þessi ljóshærða).

2006-09-07T17:57:00.000Z

Já.
Eyddi nokkrum núllum í Kaupinhávn. Djöfull var það gott.

Svo fór ég í súpermarkað á sunnudaginn. Af því að ég er hagsýn húsmóðir keypti ég 6 stk af kjúklingum. Fór með þá heim, setti í frystinn. Taldi þá og hmm, vantar einn? Ah, ég hef bara gleymt honum í búðinni.
Í gærmorgun labbaði ég út í bílskýli, var einmitt að tala um við manninn minn hvað þessi bíll sé nú bara æðislegur og hvort það sé ekki bara sniðugast að keyra hann út. Opna bílhurðina og á móti mér rýkur þessi óóógeðslega ýldufýla. Alger nálykt.
Helvítis kjúklingurinn gleymdist í skottinu!

Meiri útlönd

2006-08-22T21:33:00.000Z

Jájá, mín bara heimsborgari.

Ætlum að fljúga til Köben á fimmtudagsmorguninn og vera fram á mánudag. Þvílíkt yndislegt. Hlakka mikið til að fara þangað aftur en við fórum síðast þangað í fyrravor. Get ekki beðið eftir að sleppa af mér beislinu í H&M eins og sönnum íslenskum konum sæmir.
Ef einhver verður vitni af útfríki í dömudeild H&M næstkomandi helgi þá er það ekki ég. Ok?

Svo ætlum að við að gera fullt töff og skemmtilegt, en þarsem við vorum semi upptekin við vinnu ofl. síðast þegar við fórum vitum við ekkert í okkar haus.
Svo allar tillögur eru vel þegnar.

Ahh endalausa dásamlega frí

2006-08-11T12:43:00.000Z

Já, er í fríi í dag, morgun, hinn og hinn! Veit bara varla hvað ég á af mér að gera, er að reyna að forðast af öllum mætti að gera eitthvað hérna heima hjá mér.
Þessvegna er alveg kjörið að gera bara ekki neitt.

Þarf samt að fara út. Vesen. Vegna þess að ef ég fer ekki út, þá líður mér eins og ég sé veik og megi ekki fara út, og þá kemur svona innifýla af manni. Það er helber viðbjóður.

Dásamlega brúðkaupsafmæli

2006-08-06T14:32:00.000Z

Ár síðan ég giftist. Dásamlegt ár.
Höfum eytt deginum í ómennsku og viðbjóð enda líka frí á morgun.
Hef gert eftirfarandi í dag:

Vaknað
Étið serjós
Horft á ógeðslega marga Law and Order SVU þætti (kaupti alla seríu 2 nebblilega)
Borðað popp
Andað
Borðað einn bita af súkkulaðiköku
Sofnað aftur
Vaknað aftur
Klórað mér í rassinum og öxlinni
Andað
Farið í tölvuna

Djö hvað ég elska sunnudaga.

Kaupæði

2006-08-03T18:30:00.000Z

Það er runnið á mig kaupæði. Á háu stigi.
Kaupi og kaupi og kaupi og já mig vantar þetta allt saman, flest amk.

Var einmitt að kaupa bráðnauðsynleg leðurstígvél á 20.000.- Gat bara ekki séð mig fyrir mér lifa án þeirra.
Keypti líka í dag eftirfarandi: Pils, tvennar buxur, eyrnalokka, hálsmen, nærbrækur, bol og það er bara auk vöruúttektarinnar sem ég fæ mánaðarlega í vinnunni sem innihélt pils, bol og buxur. Sick?
Og þetta er bara það sem ég verslaði í dag! Ég verslaði líka í gær og hinn og hinn...
Sjitt og ég sem er að fara til Danmerkur í enda mánaðarins og var búin að lofa mér að sleppa mér þar? Nei ég held að ég þurfi nú aðeins að fara að róa mig niður í þessum málum, einbeita mér frekar að því að fara í tívólí og éta kengúrur.

Annars er þetta kannski eitthvað sem ég ætti ekki að hafa samviskubit yfir. Ég hef s.s nú þegar lést um ca.bát 50 kg á síðasta rúma ári. Ég er bara að upplifa mig sem svo mikla skvísu nefnilega. Tilfinningin að geta labbað inn í búð og keypt það sem manni finnst fallegt en ekki af því að það passar er ansi notaleg, kannski einum of notaleg en ég er dálítið að bæta upp það sem ég hef misst af í gegnum tíðina.

Nýja mottóið mitt: Égmáðaalveg!!

2006-07-18T23:50:00.000Z

Stal þessu, fannst þetta bara æðislegt!

Svona er hægt að útskýra rangstöðu fyrir konum sem skilja ekki fótbolta...

Þú ert stödd í skóbúð og ert önnur í röðinni við kassann. Í hillunni á bakvið afgreiðslustúlkuna eru skór sem þú bara verður að eignast.

Konan sem er fyrir framan þig í röðinni er einnig búin að koma auga á skóna og horfir á þá löngunaraugum. Báðar eruð þið hins vegar búnar að gleyma peningaveskjunum ykkar. Það væri dónaskapur að ryðjast framfyrir konuna ef þú ert ekki með neinn pening til þess að greiða fyrir skóna.

Afgreiðslukonan bíður við kassann.

Vinkona þín er að máta aðra skó aftar í búðinni og sér í hvaða vanda þú ert stödd. Hún undirbýr að kasta til þín veskinu.

Ef hún gerir það getur þú gripið veskið og labbað framfyrir hinn kúnnann og keypt skóna!

Einnig gæti hún kastað veskinu framfyrir röðina og "á meðan veskið er á flugi" gætir þú skotist framfyrir hina konuna og gripið veskið og keypt skóna!

EN, þú verður að muna að áður en búið er að kasta til þín veskinu væri það hreinlega rangt af þér að troðast fram fyrir í röðinni og þú værir...........

RANGSTÆÐ!

Ótrúlega myndarleg

2006-07-17T13:04:00.000Z

Er búin að baka tvö brauð, setja á mig brúnkukrem og troða upp í mig hvíttunargóminn. Ástæða?

Ég er komin í skvísuvinnu. Ég má mæta ógeðslega sæt og fín og flott í vinnuna og það er bara eðlilegt. Fæ að ganga í skvísufötum á hverjum degi, brosa og vera sæt. Alveg ég. Alveg að fíla mig.

Búin að vera á Mæjorka þar sem ég náði mér í sólarexem, þessvegna varð ég ekkert brún. En ég verð það svosem aldrei, er hálfur rauðhærðingur þó ég sé það ekki beint sjálf. Er bara með svo ljósa húð, verð einhvernveginn svona hunangsgul. Og það alveg í viku og svo hverfur það. Drasl.

En núna er ég s.s í fríi frá skvísuvinnunni minni. Fékk bara þriggja daga helgi takk fyrir og hef gert mest lítið annað en að slappa af.

Fór í fyrrakvöld til mömmu. Hún er bara alveg svakaleg, bara búin að fá sér allt nýtt. Nýtt hús, nýja vinnu, nýjan hund og nýjan bíl. Það er bara varla að maður þekki hana lengur ;)
En nýji voffinn er æði, mígur bara á gólfið, ræðst á nýja boltann sinn og sefur þess á milli. Alveg magnaður. En ég myndi nú ekki vilja fá mér hund. Held að það sé bara vesen. Allavega voru þau eitthvað voðalega þreytulega að sjá þarna í sveitinni.

Já svo ætla ég bráðum að fara út í skipulega hreyfingu. Mister eiginmaður (fyrrverandi unglingameistari í badminton) ætlaði að kenna mér listina en vitiði hvað 50 mínútur kosta í TBR?? 1910 kr!! Glætan! Þetta er bara rán!
Þá verðum við bara úti í garði það sem eftir er sumar, í þau fáu skipti sem það lægir eitthvað. Drasl.
Held ég kaupi mér bara sjálf lóð og fari út í að skokka. Er það ekki bara töff bissness?

Þokkalega að fara til Mæjorka!

2006-06-03T12:13:00.000Z

Jáh, með ógeðslega stuttum fyrirvara pantaði ég miða til Mæjorka handa mér og bóndanum.

Langaði bara í plebbasól, sand og alvörunni sangríur. Held ég finni svoleiðis alveg örugglega þar!
Verðum í tvær vikur og förum á þriðjudaginn. Er ekki örugglega kominn þriðjudagur? Nei demit. Get ekki beðið.

Komin með nóg af skítakulda og trekki hérna. Alveg gersamlega. Er ALLTAF skítkalt!
Svo er náttúrlega týpískt að það verði gott veður alveg næstu tvær vikur! Hrmmpff!

Sótti hjólið mitt í gær, fór þangað sem ég átti heima fyrir tja, hálfu ári síðan. Var alveg sannfærð um að það kæmist fyrir í bílnum ef við legðum sætið niður, nei... Við þurftum að keyra með skottið opið alla leiðina úr Vesturbænum og hingað uppeftir. Smá trekkur :S
En svo þurftum við að pumpa í dekkin og þegar ég svo loksins settist á það og mátaði, þá fann ég að einhver hafði greinilega verið að nota það. Sætið var miklu hærra en ég hafði það, náði varla niður á pedalana! Iss.. skítapakk að hjóla á ókunnugu hjóli!

2006-05-28T17:04:00.000Z

Helvítis bull eru þessar kosningar. Hvernig datt fólki í hug að kjósa D í Árborg? Mikið ofsalega hljóta kjósendur D í Árborg ekki að stíga í vitið? Eftir svona skandal skil ég ekki hvað fólk er að hugsa? Vill fólk í alvöru svona bæjarstjóra?
Er frekar pissed yfir Reykjavík en samt ekki svo. Hefði alveg getað verið verra. Þoli bara Villa svo illa, finnst hann ógeð. Man bara eftir því hvernig hann kom fram í "Þórólfarmálinu". Algert skítseyði. Og ekki er dóttir hans skárri. Ok, ég veit að þetta var ekki málefnalegt hjá mér en mér er sama, þau eru bæði óþolandi pakk.
*Andainnandaút*

Nú fer spúsi að fara í sumarfrí svo bráðum kemst ég í ferðalag. Er búin að bíða ótrúlega lengi eftir því að komast út á land, í sveitina eða vottever hvað er hægt að kalla það.
Fékk vinnu en hafnaði henni. Veit eiginlega ekki alveg hvað kom yfir mig en var ekki alveg tilbúin í hana. Djöfulsins auli getur maður verið. Þetta var bara samt ekki það sem mig langaði að gera, veit eiginlega ekki einu sinni af hverju ég sótti um?

Ó well...

2006-05-18T18:52:00.000Z

Held að Silvía Nótt eigi eftir að gera okkur að fíflum þarna, ókei við erum reyndar fífl (íslendingar þ.e) en æji, á manni ekki bara að vera drullusama um þetta? Hún er bara svo svakaleg gellan!

Er að undirbúa atvinnuleit. Er að gera ótrúlega flotta og stílhreina ferilskrá og fer svo á fullt í júní að leita. Allir vilja nefnilega ráða bara strax, núna, pronto... Hélt oft að það væri gefinn smá fyrirvari en já ég má s.s byrja að vinna 1.júlí. Of langt þangað til, leiðist...
En það verður nú samt gaman að fara í allar útilegurnar á meðan ég bíð.
Ef þið hafið einhver góð ráð hvað varðar atvinnuleit og umsóknir eða það sem betra er, einhverja almennilega, vel borgaða vinnu þá eeeendilega láta mig vita ;)

Meðaleinkunn í lífinu?

2006-05-15T09:35:00.000Z

This Is My Life, Rated
Life:	8
Mind:	6.7
Body:	5.5
Spirit:	6
Friends/Family:	6.2
Love:	9.1
Finance:	7.1
Take the Rate My Life Quiz

2006-05-13T09:37:00.000Z

Sjúkk! Gleymdi mér alveg í sumrinu! Þar sem ég er orðin næstum mjó, komin með hvítar tennur og orðin kókólaði brún þá hef ég ekki alveg eins mikinn tíma fyrir blogg sjáiði til. Eða þannig.

Búin að hanga í heitum potti alla vikuna og væri þar líklegast núna ef eigandi pottsins hefði ekki þurft að mæta til vinnu. Helvítis.

Er alveg að missa mig af tilhlökkun til morgundagsins. Þá kemur minn heittelskaði eiginmaður úr vinnuferð að utan en það sem meira er, og hlakka meira til (ég meina maðurinn er ekkert búinn að vera lengi úti) er að hann dregur litla krúttbróður minn með sér (sem er samt alveg 22 ára) sem er búinn að vera í útlegð í allan vetur. Jeiiiijjj!
Við litli bróðir erum nefnilega "læk ðiss" (krossa puttana og dreg annað augað í pung)

Má maður borða ís klukkan tíu að morgni? Nei bara spá.

Langar ógeðslega til þess að eiga garð og heitan pott. Langar bara í einn lítinn pott, ekkert flókinn, ekkert pott sem kostar á þriðjumilljón með ljósasjóvi og dúndrandi fm tónlist í botninum. Nei bara einhvern sem getur látið renna í sig heitu vatni og mögulega útúr honum aftur, ekkert flókið sko.

Svo var okkur boðið að fara til Flórída næsta sumar, eða reyndar ekki alveg boðið BOÐIÐ heldur bara svona boðið að fara með vinum og get fengið ódýra heimagistingu. Þáði boðið strax án þess að spyrja eiginmanninn, en hey, ég er nú ekki konan hans fyrir ekki neitt, veit alveg að hann myndi segja já, sem og hann gerði... og hann er farinn að hlakka meira til en ég ;) EN þetta er alveg eftir ár svo við höfum alveg nægan tíma til þess að láta okkur hlakka til.

Svo tökum við allan júní í útilegur og þvíumlíkt skemmtilegt. Einhverjar tillögur hvert er best að fara? Að sjálfsögðu fer ég þetta klassíska, allavega Búðir og Ásbyrgi... mögulega Mývatn.

Oh get ekki beðið, elska sumar!

Gleðilegt sumar!

2006-04-20T17:18:00.000Z

Já þetta verður gleðilegt sumar. Styttist óðum í sandala, sangríur og grill. Úhh.. get bara ekki beðið!

Ég á bara loðbörn

2006-04-15T11:48:00.000Z

og monta mig þá bara af þeim eins og annað fólk montar sig af litlum útgáfum af sjálfum þeim.

1. hluti.

Daman mín...

... er svo ótrúlega mikill dömuköttur að ég hef aldrei heyrt eða séð annað eins.
Henni finnst alveg geðveikt að fylgjast með mér plokka á mér augabrúnirnar, greiða mér, tannbursta mig, þjala á mér neglurnar... allt svona konudót finnst henni æðislegt. Uppáhaldið hennar er þó þegar hún liggur í vaskinum á meðan ég mála mig. Hún fylgist með af mikilli athygli og langar greinilega að fá smá.
Hún drekkur helst ekki vatn úr dalli, glas, blómavasar, bollar og kraninn inni á baði eru þær uppsprettur sem hún kýs helst.
Hún er díva, verður auðveldlega pirruð á yngri "bróður" sínum, finnst hann ógeðslega hallærislegur og mikill auli. Hún passar virkilega vel upp á það að vera vel pússuð og snyrt.
Hún er gáfuð. Svo ótrúlega að hún hræðir mig stundum.
Hún veit nákvæmlega hvernig á að færa gardínurnar þegar hana langar að fara upp í gluggakistu. Það þýðir ekki að fela neitt fyrir henni, hún veit alltaf hvar hlutirnir eru. Þá erum við ekki að tala um mat hérna, heldur bara kóktappa og einhverja litla ómerkilega hluti. Hún er þá líka virkilega stríðin. Náttborðslampinn er með svona dinglandi keðju og stálkúlu á endann, þar s.s kveikir maður og slekkur. Hennar uppáhald er að vekja mig á næturnar með því að slá í þetta dingl í lampafótinn sem er úr stáli og búa til þvílíkan hávaða. Hún glottir þvílíkt þegar hún gerir þetta, og ástæðan? Jú, ég á að færa hausinn á mér svo hún geti fengið hornið "sitt" til þess að sofa á!
Hún á líka barn. Ég er s,s amma.
Þetta er lítil hvít mús sem hún gefur að borða, svo drekka og þá loks þrífur hún kvikindið og fer að leika við það. Þá á ég við að hún hendir kvikindinu í matardallinn, lætur það vera þar í nokkra stund, setur það svo í vatnsdallinn og veltir því þar um dágóðan tíma, tekur það svo uppúr og sleikir það þurrt.
Hún er pínu kreisí en hún er loðbarnið mitt :D

May I present...

Lady Miss Klara

2006-04-07T09:16:00.000Z

Ætli það sé óhappamerki að fyrri færsla var póstuð 9.11 ?

Löngu komin heim...

2006-04-07T09:11:00.000Z

... en samt ekki nennt að blogga.

Enda gerist ekki mikið þegar maður hangir einn heima hjá sér.
Ég gæti svosem sagt ykkur hvernig veðrið er, á 10 mínútna fresti.
Talað um kettina mína 2.
Eða talað um hvað rykkanínur myndast fljótt, bara rétt eins og hendi væri veifað og auga blikkað. Ég gæti jafnvel haft beina útsendingu frá atburðinum, s,s rykkanínumynduninni.
Nei þá kæmi örugglega að því að ég yrði lögð inn, á ranga deild :S

Þyrstir í sumar.

Pils, sandala, óáfengar sangríur (Já Hemúll, þær geta alveg verið það!) sól, útilegur, grill og grillveislur í görðum, hvítvín, bjartar nætur... Ég hætti áður en ég verð væmin.

Þetta hlýtur allt að fara að koma

Svolítið skemmtilegt

2006-04-01T16:51:00.000Z

How Will I Die Quiz

You will die at the age of 106

You will die by having one too many botox injections

Find out how you will die at Quizopolis.com

Komin aftur.

2006-03-31T15:25:00.000Z

Lifði þetta af. Vei.

2006-03-26T09:18:00.000Z

Skrítið þetta að finna allt í einu til kvíða. Fá líkamlegu viðbrögðin en fatta kannski ekki af hverju?
Hef sofið illa, með höfuð og magaverki og á það stundum til að verða andstutt.
Fattaði ekki strax að líkaminn er að fríka út meðan hugurinn var ekki alveg að fatta það.
Ferlega skrýtið þegar líkami og hugur aftengjast með þessum hætti.

Þá fór ég bara í slökun og sund og þannig og þá varð þetta strax mikið betra.
Ekki það að ég viti ekki af hverju ég er kvíðin heldur kom þetta bara svolítið aftan að mér.

Og af þessum sökum verður ekkert bloggað frá Þriðjudeginum 28. mars og allavega næstu vikuna á eftir.

----------------------------------------------------------

Ég á erfitt með að henda dóti. Það hefur komið fram hér áður en þetta er farið að verða vandamál. Er með nokkra kassa fulla af dóti sem ég hef ekkert að gera við en vill samt ekki henda. Svo þannig er að eitt herbergið er fullt en þarf kannski ekki endilega að vera það.
Og akkúrat þetta herbergi átti að vera svona "tómstundaogkósíherbergi" frúarinnar á heimilinu.

Ef ég fæ góðar hugmyndir um hvernig ég eigi að innrétta það þá kannski verð ég mótíveruð að henda dótinu? (Ég blikka hér með ákveðinn innanhúsarkitekt *blikkblikk*)

Persónuleikapróf

2006-03-24T12:08:00.000Z

Your Five Factor Personality Profile

Extroversion:

You have high extroversion.
You are outgoing and engaging, with both strangers and friends.
You truly enjoy being with people and bring energy into any situation.
Enthusiastic and fun, you're the first to say "let's go!"

Conscientiousness:

You have medium conscientiousness.
You're generally good at balancing work and play.
When you need to buckle down, you can usually get tasks done.
But you've been known to goof off when you know you can get away with it.

Agreeableness:

You have low agreeableness.
Your self interest comes first, and others come later, if at all.
In general, you feel that people are not to be trusted.
And you're skeptical that anyone else really feels differently.

Neuroticism:

You have low neuroticism.
You are very emotionally stable and mentally together.
Only the greatest setbacks upset you, and you bounce back quickly.
Overall, you are typically calm and relaxed - making others feel secure.

Openness to experience:

Your openness to new experiences is high.
In life, you tend to be an early adopter of all new things and ideas.
You'll try almost anything interesting, and you're constantly pushing your own limits.
A great connoisseir of art and beauty, you can find the positive side of almost anything.

The Five Factor Personality Test

2006-03-22T20:58:00.000Z

Spottaði gamla vinkonu á spjallvef í dag. Svolítið skemmtilegt verð ég að segja. Skemmtum okkur vel yfir fitubollumyndum, rollusögum og endaþörmum. Seinómor.

Er alltaf að reyna að muna að ganga með litla vasabók, því ég held að tölvan sjúgi úr mér allt vit.
Er með höfuðið fullt af gáfulegum hugmyndum af bloggum, ótrúlega málefnaleg að sjálfsögðu, gagnrýnin og hnyttin en þegar ég kveiki á tölvunni og Firefox að starta upp Blogger þá gerist eitthvað. *Púffff!!* Höfuðið tæmist og eina sem mér kemur í hug er kvart og kvein, eða hrein og bein leiðindi.

Ætlaði að vera pólitísk, háðsk og töff. En það týndist.

2006-03-18T18:21:00.000Z

Er að mála. Ógeðslega frústreruð, trönurnar ónýtar og allt að hrynja í gólfið. Arg!
Svo veit ég ekki hvernig málverkið á að enda. Það er mesti bömmerinn. Eins og að fá ritstíflu, nema bara verra. Striginn er ógeðslega stór, eða 50x150 og það er svolítið erfitt þegar allt fer að hrynja.
Ógeðslega pirrrrrrruð!!!
Á að vera að elda þar að auki.
Djöfuls vesen er þetta alltaf hreint.
Á að vera að þrífa.
Á að vera fyrirmyndarhúsmóðir fyrir kaffiboð en það eru ennþá pissuslettur á klósettskálinni og rykkanínur í hornum og ég get ekki einbeitt mér að neinu nema máleríinu núna.
Langar að fara alla leið og fá mér rauðvín, sígó og alpahúfu.

Kannski fáið þið að sjá afraksturinn, kannski.

Svona hef ég gerst víðreist

2006-03-16T18:27:00.000Z

create your own visited country map

2006-03-15T10:15:00.000Z

Ég er komin aftur. Saknaði ykkar ekki hið minnsta.
Fínt að fá frí frá tölvunni.
Hefði ábyggilega ekki gert handtak hefði ég byrjað á því að koma tölvunni af stað.
Hinsvegar erum við svona gottsem búin að koma okkur fyrir, næstum eins og við séum búin að vera hérna í 12 ár.

Hefur samt langað til að blogga um hitt og þetta en röflað bara í huganum í staðinn.
Núna man ég ekkert hvað það var sem lá svona á að koma frá mér.

Er netlaus, allslaus....

2006-02-21T12:56:00.000Z

Bý skelfilega þessa dagana, allt í klessu, málning útum allt, drasl útum allt og enginn stóll til þess að sitja í og átti ekki skeið fyrr en ég fór í Ikea og keypti hnífapör. (voru ódýrari en þau úr plasti, hagsýna húsmóðirin aftur)
Sakna ykkar.
Skreið á bókasafnið í andaslitrunum og rétt náði í tölvurnar áður en yfir myndi ljúka. Hjúkk.

Veit að þið hafið saknað mín og vitið ekki hvað þið eigið af ykkur að gera. En bráðum kemur betri tíð með blóm í haga og í gluggum og nýmálaðir veggir og nýtt net og svona. Þá verður allt í lagi.

En ég lifi.

Handlagin húsmóðir

2006-02-09T10:36:00.000Z

Fór í gær og keypti 2 náttborð fyrir tvöþúsundkall.
Eyddi svo gærkveldinu í að pússa þau upp og grunna, alveg ótrúlega skemmtilegt.
Maðurinn keypti meira að segja juðara handa mér, tæki sem mig hefur dreymt um að eignast leeengi. En svakalega mikil hætta á heilahristing, get sagt það :S

Hlakka ótrúlega til að taka eldhússinnréttinguna í gegn og pússa parketið og allt það. Færslan mín sem segir hvað ég er búin að vera dugleg hvarf að mér skilst. Einkennilegt.

Langar að taka þátt í hraðakeppninni á ljosmyndakeppni.is en ég er algerlega dauð af hugmyndum.
Ef einhver hefur ótrúlega góða hugmynd af diskóþema, og getur póstað henni innan hálftíma þá er það vel þegið.
Þið hin megið fara í rassgat.

Drasl blogg

2006-02-06T14:13:00.000Z

Færslur hverfa þó að þær hafi birst á blogginu. Skil þetta ekki.

Var klukkuð. Tek því eins og kona með pung nema bara án pungsins.

Fjórar vinnur sem ég hef unnið um ævina:
Eldaði og útbjó morgunmat á risastóru hóteli í Reykjavík.
Þreif á öðru risastóru hóteli í Reykjavík.
Eldaði mat á veitingastað á Laugavegi.
Þreif ógeðslega stór einbýlishús í Noregi.
Eitthvað munstur hér? Djöfulsins.

Fjórar bíómyndir sem ég gæti horft á aftur og aftur:
Sleepless in Seattle - af því að ég er kona
Schindler's List - þarf ekki að útskýra
Ace Ventura Pet Detective - af því að hún er alltaf fyndin
Home alone 2 á jólunum - af því að hún er betri en númer 1.

Geri annars ekki mikið af því að horfa á sömu myndirnar aftur og aftur.

Fjórir staðir sem ég hef búið á:
Laugarnesvegur 92
Banklia 5
Professor Hansteensgate 82
Kaplaskjólsvegur 29

Fjórir sjónvarpsþættir sem ég fíla:
CSI
Prison break
Scrubs
Law and order of any kind...

Fjórir staðir sem ég hef heimsótt í fríum:
Jakarta: Svo yndislega skítug og stór.
Bali: Heitt, heitt, heitt.
Snæfellsnes: Bestíheimi.
Móseldalurinn: Æskuminningar um busl og öldusundlaugar.

Fjórar síður sem ég skoða daglega:
Ljósmyndakeppni
Mbl.is
Margrét.is
Vísir.is

Fernt matarkyns sem ég held uppá:
Kók Light
Kjúklingur
Naanbrauð
Hamborgarar

Fjórir staðir sem ég vildi heldur vera á núna:
Bergen.
Bali eða Lombok.
Moskva.
Havana.

Fjórir bloggarar sem ég klukka:
Kolla
Begga
Bryndís
Pettú

2006-01-31T21:18:00.000Z

Photoshop fikt

Er að prófa mig áfram í fótósjopp. Ferlega gaman og var einmitt að kenna mér að gera svona "silouette" mynd.

2006-01-31T21:10:00.000Z

Eyddi deginum í spjall við góða vinkonu. Frábær dagur. Fólk ætti að gera þetta oftar, að spjalla bara saman án þess að vera með eitthvað föss í kringum það, án þess að hafa einhverja sérstakt tilefni eða ástæðu, án þess að hafa vín um hönd og án þess að bjóða upp á osta. Án þess að hafa eitthvað til þess að fela sig á bakvið. Lov jú.

Ég elska það þegar fólk afhjúpar sig, þá fæ ég innblástur til þess að gera það sama. Þá finnst mér einhverra hluta allt í lagi að vera berskjölduð. Viðurkenna ófullkomleika minn og mistök. Þá er ég svo mannleg.
Ég er nefnilega dálítið mikið fyrir það að reyna að vera fullkomin og gera allt fullkomið. Er það af því að ég er meyja eða er það af því að ég er bara svoleiðis persónuleiki?
Og af því að ég er ekki fullkomin og af því að ég get ekki gert allt rétt að þá á ég til að refsa mér fyrir það. Þá finnst mér ég ekki standa jafnfætis öðru fólki, s.s annað fólk sé betra en ég og geri hlutina betur.
Ég er alltaf að reyna að læra að það er allt í lagi að fara út í búð ómáluð með úfið hár. En ég á svo bágt með það. Ég veit alveg að svona hlutir eiga ekki að skipta máli en þeir gera það samt.
Og af hverju mér tekst ekki að lifa fullkomnu lífi? Svo er nú það, hvað er fullkomið líf?
Er það eitthvað sem einhver annar hefur troðið inn í hausinn á mér að lífið ætti að vera eða er það bara ég að ná ekki markmiðum mínum?

En kannski er ég á réttri leið með því að viðurkenna vandamálið?

2006-01-29T21:59:00.000Z

Önnur mynd

Ökuferð

2006-01-29T15:53:00.000Z

Fórum í smá ródtripp í gær, ég og maðurinn. Keyrðum upp í Hvalfjörð en fljótlega fór ég samt að sjá eftir þessari ákvörðun okkar, því það var ógeðslega vont veður, hellidemba og rok.
En það var samt gaman. Gaman að gera eitthvað annað en venjulega.
Keyrðum allan Hvalfjörðinn og upp í Borgarnes.

Þessi mynd var tekin í tilefni ferðarinnar:

Líparítnáman í Hvalfirði

Ég fæ bráðum hvítar tennur

2006-01-27T22:50:00.000Z

Já af því að ég ætla aldrei aftur að reykja og ætla því að verðlauna mig með því að láta hvítta tennurnar í mér. Og af því að ég verð búin að láta hvítta þær að þá tími ég aldrei aftur að reykja.
Mér finnst rauðvín og kaffi vont svo það hefur engin áhrif.

Getur maður fengið hausverk af súkkulaði?
Er ekki með mígreni... but makes me wonder. Stevie Wonder?

Er líka búin að horfa ógeðslega mikið á CSI og 4400. Þeir síðarnefndu eru ógeðslega spennandi en smám saman missi ég athyglina. Skrítið? Hef aldrei verið góð í sjónvarpsmálum, er alltaf farin að gera eitthvað annað ef spennulevelið fer undir ákveðin mörk. Er ég með athyglisbrest?

Held að Hekla sé byrjuð að reykja aftur og þori ekki að segja mér það. Múaahhahaha.

Er líka með fullkomnar neglur, fullkomið hár og verð bráðum ógeðslega mjó. Mikið ógeðslega vantar mig bara að verða fræg.
Fyrir hvað ætti ég að verða fræg?
Vá. Sjitt.
Ég verð að hugsa mig aðeins um.
Tillögur líka velkomnar.

2006-01-21T12:21:00.000Z

Þoli ekki fólk með fullkomið hár. Er þetta bara heppni eða eyðir fólk virkilega öllum þessum tíma í að fínisera á sér lubbann? Óþolandi!

Já og af hverju hlustar fólk ekki á Salsatónlist, dansa kannski smá og fengi sér svo Sangriu í hríðarbyl og viðbjóði? Ég er viss um að skammdegisþunglyndi væri á undanhaldi ef fólk gerði þetta reglulega. Salsapartí í janúar.

Peningaeyðsla. Ég hata peninga og hata að geta ekki átt þá. Af hverju get ég ekki bara skoðað heimabankann með bros á vör og gert svo ekkert í málinu í stað þess að fara með fyrstu ferð í annaðhvort mollið í örvæntingarfullri leit að einhverju sem mig vantar.
Er ég kaupalki?
Vantar ótrúlega nýjar buxur af því að allar hinar eru orðnar of stórar, vantar þá geðveikt nýja skó við nýju buxurnar því þær passa ekki við neitt sem ég á. Einmitt svo vantaði mig geðveikt nýjan maska og andlitskrem. Einmitt. En sniðugir eyrnalokkar, myndu gersamlega fullkomna heildar útlitið með nýju buxunum og skónum. Nú bara 50% afsláttur, ég skal segja ykkur það, þetta kostar kannski mikið núna en vááá ótrúlega var þetta dýrt, kostakjör... Ég er bara að græða hérna á fullu ef ég kaupi þetta núna. Ji hvað ég er sniðug.
Nýtt gloss myndi nú gera mikið fyrir mig, hvar ætli hin 974 glossin séu? Æji ábyggilega týnd í öllum 346 töskunum og veskjunum sem ég á.
Best að fá sér þá bara nýja tösku undir nýja glossið. Nú er ég alveg örugglega fullkomin.
Nei hentu bara miðanum. (Feldu sönnunargögnin)

Klukkþíngí

2006-01-17T16:30:00.000Z

Þessu var mér skipað að henda hingað inn.
Fyrir litla krúttkrulludverginn minn.

1. Ég segi þér eitthvað handahófskennt um þig....

2. Ég segi þér hvaða lag/mynd minnir mig á þig....

3. Ég segi þér hvaða bragð minnir mig á þig....

4. Ég segi þér eitthvað sem meikar bara sens fyrir mig og þig

5. Ég segi þér fyrstu ljósu minninguna mína af þér

6. Ég segi þér á hvaða dýr þú minnir mig á

7. Ég spyr þig að einhverju sem ég hef velt lengi fyrir mér um þig?

8. Ef þú lest þetta þá verðuru að setja þetta á bloggið þitt..

Celebs

2006-01-17T13:06:00.000Z

Ég datt niður á "uppáhalds"sjónvarpsstöðina mína áðan. Star á breiðvarpinu. Get ekki annað en elskað stöð sem færir mér fréttir af ljótutreflakeppni fræga fólksins og segir manni að Ken sé byrjaður með G.I Joe. Að til þeirra hafi sést í jakússí. Vá, en æðislegt. Gott að hafa eitthvað svona bjartsýnis tv á tímum styrjalda og sjúkdómafaraldra. Hef engar áhyggjur núna, Ken er kominn útúr skápnum.

Er ennþá hætt að reykja. Finnst fínt að fá útrás fyrir pirring með því að hreyfa mig, aldrei hefði mér dottið í hug að ég myndi segja þetta. Náði að komast á 48 km hraða á hjólinu. Það er sko hratt maður minn. Ákvað að hægja á mér þegar ástandið með hjólið var orðið krítískt. Ætla nú ekki að skemma það. En ég meina, líkurnar á aukinni hættaðreykjabumbu eru nú hverfandi.

Hvað er málið með snjóinn? Stofnum samtök: Snjóinn burt! Allir meðlimir taki sér slöngu í hönd og úði heitu vatni í gríð og erg yfir borgina. Meira segja svo að það nái ekki að frjósa aftur.
Eða kannski ætti ég bara að búa í Ástralíu þessa skítamánuði okkar. Þar er sól og sumar, svo þegar fer að hausta fer ég aftur til Íslands þar sem er vor. Jiii, ég get ekki beðið.

Reykleysi

2006-01-15T12:18:00.000Z

Hætti að reykja í fyrradag og fyrsti dagurinn algerlega laus við tóbak var í gær. Gekk vel.
Fékk mér 2 hættiaðreykjatyggjó og það bjargaði ýmsu. Fékk samt svona 3 pirringsköst en þau vörðu stutt. Líður betur. Hjólaði 10 innikílómetra í gær og æfði bingó og magavöðva. Fór líka í sund.
Vá. Ógeðslega dugleg.
Langar eiginlega ekkert í sígarettu lengur (akkúrat á þessari stundu samt) og er samt ekkert búin að fá mér tyggjó í dag. Ætla að takmarka notkun þeirra verulega. Annars verður það einhver óþægileg hækja sem ég losna kannski aldrei við.
Fann í sundinu í gær að þolið hefði beðið verulega hnekki á þessum reykmánuðum mínum. Tók ekki langan tíma.
Byrjaði s.s að reykja aftur að staðaldri í október eftir tæp 3 reyklaus ár. Hafði þó fiktað aðeins um sumarið. Var sprungin eftir 200 metra bringu. Var að synda rúman kílómeter á dag þegar best lét fyrr um sumarið. Uss.
En ég sé ljósið.

Væmni

2006-01-13T12:47:00.000Z

Skrýtið að líða ótrúlega vel en vita eiginlega ekki af hverju.

Svona þegar maður andvarpar og glottir eins og mongólíti án sýnilegrar ástæðu.
Kannski er ástæðan birtan sem er úti. Snjórinn. Kisurnar mínar. Ákvörðunin sem ég tók um að hætta að reykja aftur. Knúsið sem maðurinn minn gaf mér. Vinir mínir sem eru alltaf æðisleg.
Lagið sem er verið að spila akkúrat núna í sjónvarpinu og minnir mig á það þegar ég var 11 ára ekki svo mjög töff með blásinn topp og í múnbúts.

Hver sem ástæðan er þá ætla ég ekkert að vera að trufla þessa tilfinningu að óþörfu.
Megi hún að eilífu endast.

Áskorun

2006-01-11T14:43:00.000Z

Mótmælið stefnu DV með því að skrifa undir á undirskrifalistann hér til hægri.

Erindið

2006-01-11T14:32:00.000Z

Jihú, fékk pakka. Síðbúin brúðargjöf. Ofnfast mót og grind undir. Eintak númer þrjú. Hvernig er ekki hægt að elska gamlar frænkur?

Þessi gamla frænka mín er komin yfir áttrætt og mér finnst hún vera alveg eins og þegar ég man eftir henni fyrst. Hvernig getur staðið á því að fólk breytist ekkert?
Ég ætla að vera svona þegar ég verð gömul, svolítið kjaftfor, fara í leikhús, fara til útlanda, spila vist, stunda listmálun og glerlist. Tala um vinkonurnar sem "stelpurnar". Og kannski slúðra pínulítið og nota bara varaliti.

Held ég hlakki bara til.

Gamlar frænkur og stelpurnar

2006-01-09T11:30:00.000Z

Kíki á gamla frænku í dag, af því að hún á við mig erindi. Hvað ég hlakka til, það á aldrei neinn við mig erindi. Líður eins og ég sé ótrúlega mikilvæg. Erindi. Elska gamlar frænkur.

Statisti í Stelpunum. Ég fæ að labba fram og til baka í 4 klukkutíma á setti. Sumir spila golf í roki í 4 klukkutíma. Hver er munurinn?

Ætlaði að fara í bíó en fattaði að ógeðslega spennandi dót er í sjónvarpinu í kvöld, eða seinni hluti CSI, ég er nörd þegar ég er hætt að fara að gera hluti vegna sjónvarps. Algerlega úr karakter.

Þetta er kannski svolítið spes dagur. Í fyrsta skipti í margarmargarmargar vikur fékk ég mér morgunmat. Ég gleymi því bara alltaf og ef ég man það þá langar mig ekki í. Já ég finn það, þessi dagur er mikilvægur. Þú manst, erindið og svona.

Kommentakerfið

2006-01-07T21:42:00.000Z

Held ég sé búin að laga stillingar þannig að allir geti kommentað.
Vei.
Afsakið.

Saumaklúbbsmóment

2006-01-07T21:23:00.000Z

Fór í "Túrtappaíkók"-saumaklúbb í gær. 8 ólíkar stelpur sem hittast líklega ekki oftar en 2x á ári (vegna þess að það búa ekki allar á íslandi)
Soldið skemmtilegt.

Alveg frábært, ótrúlega mikill stormur og ausandi grenjandi rigning.
2 sem reykjum og eftir laaaangan tíma án tóbaks (það er ljótt að reykja inni) ákváðum við að fara í sjómannaofurhetjuleik og hætta okkur út í fellibylinn.
Klæddi mig í öll útiföt og þar á meðal sjal sem ég setti yfir hausinn. Stóðst ekki mátið að skella mér í hlutverk Svetlönu sem kann bara að segja "Smúshka Rússhkí og Vodka".
Við litum á hvora aðra, í hneykslunarvorkunnsemisandlitin sem meðklúbbskonur okkar gátu engan veginn falið, settum undir okkur hausinn og rukum upp svalahurðinni. Hún eiginlega samt fauk upp sjálf og rimlagardínan fauk næstum af. Við ætluðum samt út að reykja.

Hnipruðum okkur saman í einu horninu í hláturskasti yfir fíkninni og soguðum að okkur reyk. Mentol í mínu tilviki.

Allt í einu gat ég ekki hætt að hlæja. Við vorum svo aumkunarverðar og ótrúlega "svalar".
Hún með hettuna á og hárið í sígarettunni. Maskararnir út á kinn en samt héldum við áfram að svolgra í okkur unaðslegan reykinn.

Ég fékk hláturskast. Það heyrðist meira að segja inn í gegnum ýlfrið og hávaðarokið. Ég hló svo mikið að ég hætti að getað reykt. Hún kláraði og fauk inn.
Ég hélt áfram að hlæja í storminum og þrjóskaðist við að klára naglann.
Fauk svo inn með fína hárið ekki lengur svo fínt, maskarann út á kinn og upp á enni. Rennblaut eins og ég hefði staðið úti allt helvítis kvöldið og með magaverk eftir hláturinn.
Húsfreyjan skipti um buxur en ég settist rassblaut í nýja Pleðursófasettið og fékk mér meiri köku.

Hvernig er ekki hægt að elska saumaklúbba?

Heilinn

2006-01-05T23:16:00.000Z

Ég get ekki að þessu gert en ég er orðin háð sjónvarpsþáttum. Ekki bara hvaða þáttum sem er heldur hinum ótrúlega, ógeðslega, mígaíbrækurogtannaglamurs spennandi þáttum, Prison Break.

Það er ekki minn stíll að horfa mikið á sjónvarp en vegna of mikils frítíma varð ég að finna mér eitthvað sem rænir mann tíma, ó boj það tókst.

Smá sorg samt. Ég á bara 3 þætti eftir og svo þarf ég að bíða eftir fleirum. Bömmer.

Leiter, þarf að horfa meira á Prison breik :)

Flutt

2006-01-03T16:59:00.000Z

Búin að klára þetta dæmi, þrífa, afhenda og það vesen allt. Fegin að vera laus við þetta.
Nú er bara að vona að þessi mánuður verði fljótur að líða...

Orðheppni

2005-12-29T00:10:00.000Z

Alltaf dáðst að fólki sem kann að koma fyrir sig orði.
Ég er nefnilega ekki svoleiðis. Ég er týpan sem dettur í hug eitthvað ótrúlega sniðugt ca. 10 mínútum eftir að það hefði verið töff að segja það. Bömmer.

T.d þegar ég rífst, þá fer ég bara í hringi og röfla og enda á því að labba bara burt. En alveg í sólarhring á eftir er ég röflandi í hausnum á mér með ótrúlega töff rökfærslur sem hefði verið ógeðslega töff að koma með, þá.

Æji.. Ég veit ekki.

Ljósmyndabaktería

2005-12-28T17:45:00.000Z

Er komin með veiki. Get ekki hætt að taka myndir.
Þetta er alveg agalegt en það fylgir enginn hiti með þessu því miður.

Hef verið að fikra mig áfram og ég verð að viðurkenna að þetta er ógeðslega flókið, en jafn skemmtilegt og það er nú flókið.

Er að fikta með Fótósjopp líka en bara þegar ég er heima hjá Settinu því tölvan mín er svo handónýt að hún ber ekki einu sinni forritið.
Skemmtilegt.

Ég er nú að reyna að læra fyrst á myndavélina sem ég á, en ég finn núna að mig vantar tilfinnanlega þrífót.

Held ég hafi samt ágætisauga?
Æfasigæfasigæfasigæfasigæfasig....

Annar...

2005-12-26T20:37:00.000Z

Er að fara yfirum í bókalestri. Held að maðurinn minn sé farinn að hafa áhyggjur af mér.

Sko.

Nú er annar í jólum sem þýðir að það eru 2 dagar frá aðfangadagskvöldi. Ég fékk 5 bækur og búin að lesa tvær þeirra nú þegar.
Þetta fer að verða áhyggjuefni og þarf mjög greinilega að fara að spara þær svo ég klári ekki alveg strax. Ég bara tími því ekki.

Fékk annars ótrúlega mikið af gjöfum. Eiginlega of mikið. Mætti halda að ég væri ennþá 7 ára. Hálfskammast mín þegar fólk spyr mig hvað ég hafi fengið, og það er ekki einu sinni eins og ég eigi þrjár fjölskyldur eins og meginþorri landsmanna. Jæja, en ég ætla allavega ekki að fara að kvarta yfir því!

Búin að éta alltof mikið og það má ég ekki. Er hætt. Eða næstum því.
Málið er bara það líka að ég er búin að pakka öllu sem maður notar til matargerðar og þá er maður að bjóða sér bara í mat hingað og þangað. Kannski var það heppni eftir allt saman að flytja á jólum.

Langar samt smá í snjó.

En langar ekki á Narníumyndina, sá trailer og þetta er eins og LOTR. C.S Lewis og Tolkien voru vinir. Það sést.

Til hamingju með hátíðarnar!

2005-12-24T10:33:00.000Z

*Veiflækðekvín*

Hafið það sem allra best um jól og áramót og munið að borða ekki of mikið af konfekti og passa að sprengja ekki putta eða augu.

Kannski pósta ég milli jóla og nýárs, kannski ekki svo það er betra að hafa varann á.

Sunnudagsmorgunn

2005-12-18T09:45:00.000Z

Ég sit fyrir framan tölvuna ógeðslega úfin. Hárið á mér er í uppreisn, maskari út á kinn og brjóstin frjáls frá fangavist daglegs lífs (þ.e brjóstahaldara) Þið mynduð ekki vilja vera fluga á vegg núna, ónei.
Minn heittelskaði eiginmaður hentist út í bakarí að sækja rúnnstykki handa okkur og á meðan ákvað ég að segja frá því. Tjah, ekki eins og það sé eitthvað sérlega merkilegt, en sá að töluverður tími hafði liðið frá síðustu færslu.
Sveiattan!
Þarf að halda áfram að pakka í dag og þrífa undan okkur skítinn. Hlakka ekkert sérlega til en það er svosem ekkert mikið annað í boði. Búin að afgreiða jólakort og gjafir, verður hvorteðer ekkert skreytt og það er skítaveður.
Ætti kannski að skella einhverri góðri músík á (helst ekki jólalög ef ég kemst hjá því) og feika það að mér finnist þetta skemmtilegt.
Flytjum eftir tvær vikur en erum búin að pakka bara sirka 5%? Er það normalt?
Ég kann ekkert að flytja heila búslóð, flutti seinast sjálf bara eitt rúm og nokkra kassa en einhvernveginn varð þetta að svaka búslóð með öllu tilheyrandi!
Hvernig gat þetta gerst?
Hvaðan kemur allt þetta dót??

Ég þarf greinilega að fara að hætta að halda afmæli, hætta að halda upp á jólin og hætta að fara í hættulegar búðir sem selja ógeðstöff dót.

Jáh, þar kom ég meðða!

Ég laug

2005-12-13T14:16:00.000Z

Er ekkert bissí.

En ég þarf samt að vera að pakka og þrífa. Hverjum dettur í hug að flytja á jólunum?

Æjæjæj

2005-12-13T12:52:00.000Z

Er svo bissí að ég má varla vera að þessu.
En vantar þig örugglega ekki sófa?

Smá jákvæðni

2005-11-27T10:16:00.000Z

Kannski mögulega pínu jákvæðari skrif en seinast *hóst*
Sá fram á að geta ekki haldið almennileg jól. Sá fyrir mér íbúð fulla af kössum, pappír og drasli í stað jólaskrauts og sería eeeen, ég hef samt ákveðið að skreyta hjá mér. Ég bara veeerð að hafa jólaskraut og dótarí hjá mér á aðventunni. Ég pakka þá bara öllu niður nema jólaskrautinu og tek það bara seinast! Þá verður míns rosa ánægð :D

Það er bara hreinn og beinn unaður að það sé kominn fyrsti í aðventu, allavega fyrir svona jólafíkla eins og mig, og hvað gerði ég um leið og ég vaknaði, tja fyrir utan að pissa? Setja jólalög á fóninn.
Mér er sama hvað þið segið, ég ætla sko að njóta aðventunnar eins og ég get!

Ætla að fara á eftir og kaupa nokkrar seríur, jólailmkerti og eitthvað svona krúttlegt. Taka upp jólakassana og laga til og svona... Ahhhh... Nú líður mér betur :)

Fokkíngs...

2005-11-21T16:00:00.000Z

... já. Einmitt. Hef ekki nennt að blogga. Hef verið lasin og upptekin til skiptis, lasin í þetta skiptið. En nú þegar ég er búin að renna enn einu sinni yfir allt dvd safn heimilisins, sofa nokkrum sinnum og sitthvað fleira ótrúlega leiðinlegt, var bara eitt í stöðunni. Blogga. Frekar sad, ég veit.

...Já, og hvað hefur svo verið að gerast á þessum, tja nokkrum vikum sem ég hef ekki nennt að tjá mig. Heilmikið bara.. Búin að selja íbúðina og næstum búin að kaupa.
Eigum að vera búin að losa út 2. jan. Djöfulsins geðveiki. Sem þýðir náttúrulega að það verða engin jól hér. Get kannski skreytt með tusku, hreinlætisbrúsum og pappakössum. Raðað kössum í pýramída og klesst á þá svona límkúlum. Voilá, það eru þau jól sem ég er að sjá fram á. "Dæææs"
Við ætlum nefnilega að losa á milli jóla og nýárs, glætan að ég nenni að vera að flytja á mánudeginum 2, janúar!
Sem þýðir náttúrulega að við verðum að troða okkur heim til mömmu (og framtíðarhúsnæðis okkar) þangað til þau flytja austur. Sem verður vonandi í janúar. Seinnipart.

Þunglyndi og viðbjóður skekur vinnuna og það er varla að maður nenni að láta sjá sig þarna. Verst að ég get ekki gert eins og meirihluti pöpulsins og látið mig hverfa. Aðgerð bíður og fleira vesen og þá er maður víst ekkert sérlega eftirsóttur starfskraftur er það?
"Já frábært, Hr. yfirmaður, ég byrja þá bara á mánudaginn?, Og þú veist náttúrulega af því að ég þarf að fá 3 mánaða frí eftir mánuð er það ekki?"

Nei ég er ekki alveg að sjá þetta fyrir mér?

Þetta er ferlegt... er hætt áður en þið farið að lesa sjálfsmorðsbréf útúr þessu bloggi, best að fara að sofa bara aftur...

Leeeheeti..

2005-11-01T19:37:00.000Z

Já löt, ógeðslega löt. Ég hef ótrúlega mikið að segja en um leið og ég sest við tölvuna tæmist hugurinn og ég sit bara blankó... Man ekkert..
Það er svona núna, en ég ákvað samt að láta vita, að ég væri ekki bara dáin.

Alveg að missa mig í þessum prófum...

2005-10-22T12:27:00.000Z

Your Hidden Talent

Your natural talent is interpersonal relations and dealing with people.
You communicate well and are able to bring disparate groups together.
Your calming presence helps everything go more smoothly.
People crave your praise and complements.

What's Your Hidden Talent?

You Are 50% Weird

Normal enough to know that you're weird...
But too damn weird to do anything about it!

How Weird Are You?

Your 1920's Name is:

Georgetta Maudie

What's Your 1920's Name?

Your Japanese Name Is...

Kanaye Yoshida

What's your Japanese Name?

Your Inner Child Is Naughty

Like a child, you tend to discount social rules.
It's just too much fun to break the rules!
You love trouble - and it seems that trouble loves you.
And no matter what, you refuse to grow up!

How Is Your Inner Child?

Slow and Steady

Your friends see you as painstaking and fussy.

They see you as very cautious, extremely careful, a slow and steady plodder.

It'd really surprise them if you ever did something impulsively or on the spur of the moment.

They expect you to examine everything carefully from every angle and then usually decide against it.

How Do People See You?

(Vá hvað mér hlýtur að skjátlast, hljómar ekki eins og ég...)

Your Musical Tastes Match: Nicole Kidman

See her whole playlist here (iTunes required)

What Celebrity Matches Your Taste in Music?

Your Power Color Is Magenta

At Your Highest:

You energize yourself and push others to suceed.

At Your Lowest:

You feel frustrated and totally overwhelmed.

In Love:

You are suprised by who you attract. You're a love magnet.

How You're Attractive:

Open and free spirited, people want to explore the world with you.

Your Eternal Question:

"What is my next source of inspiration?"

What's Your Power Color?

Akkúrat..

2005-10-19T13:44:00.000Z

You Should Get a MFA (Masters of Fine Arts)

You're a blooming artistic talent, even if you aren't quite convinced.
You'd make an incredible artist, photographer, or film maker.

What Advanced Degree Should You Get?

Siðferðisleg spurning?

2005-10-09T15:32:00.000Z

Próf!

Í þessu prófi er eingöngu ein spurning, en hún er mjög mikilvæg. Ef þú svarar í fyllstu hreinskilni muntu komast að því hvernig siðferðiskennd þín er byggð upp. Í prófinu er velt upp algjörlega uppskáldaðri stöðu og þú þarft að taka afstöðu.

Mundu að svarið verður að vera hreinskilið.Vinsamlegast skrollaðu rólega niður og hugsaðu um hverja línu vel og vandlega.

Þú ert í Texas. Í Houston nánar tiltekið. Það ríkir í kringum þig mikið öngþveiti, því á hefur skollið mikill fellibylur og orsakað hræðileg flóð.

Þú ert ljósmyndari, þú vinnur hjá stóru dagblaði og ert í miðju þessarar hryllilegu hringiðu.

Staðan er svo að segja vonlaus.Þú ert að reyna að taka bestu myndir ferils þíns.Það er brak úr húsum og fólk allt í kringum þig, fljótandi í vatninu. Sumir dragast undir og koma ekki aftur upp. Náttúran sleppir lausum eyðileggjandi krafti sínum.

Allt í einu sérðu mann berjast um í vatninu nálægt þér. Hann berst fyrir lífi sínu og reynir á örvæntingarfullan hátt að halda höfðinu upp úr vatninu.

Þegar hann flýtur nær þér finnst þér að þú eigir að kannast við hann.Það rennur allt í einu upp fyrir þér hver hann er.Þetta er George W. Bush!Á sama tíma sérðu að ólgandi vatnið er um það bil að færa hann í kaf... að eilífu.

Þú hefur tvo valmöguleika:Þú getur bjargað lífi G.W.Bush,EðaÞú getur tekið myndir sem myndu án efa vinna þér inn Pulitzer verðlaun. Myndir, sem sýna dauða valdamesta manns í heiminum í dag.

Svo hér kemur spurningin, og mundu að þú verður að svara henni í fyllstu hreinskilni:

Hvort myndirðu velja hágæða litafilmu eða klassískan einfaldleikann sem svarthvítar filmur bjóða upp á?

Nýtt alterego

2005-10-09T09:41:00.000Z

Ég er orðin sæt fiftísgella (Rita) Jebb...

Virkilega ávanabindandi leikur!

2005-10-08T08:45:00.000Z

Kreisí sjitt!

Bahh..

2005-10-06T21:22:00.000Z

Drasl! Hér koma nokkrar...
Stend mig ekki í kjúklingamyndum einu sinni..

Eins og ég hélt, ég vissi allan tímann um þetta með kleinuhringina!

Kvarthorn dagsins!

Af hverju getur fullorðið fólk ekki hætt að stela eins ómerkilegum hlutum og súkkulaði?? Djöfull og af hverju getur fólk ekki beðið góðan daginn? Þvílíkur andskotans dónaskapur!

Djöfull og andskoti fer Doug Heffernan í taugarnar á mér, er til leiðinlegri karakter í sjónvarpi??

Hata lifrarpylsur sem hitna ekki í miðjunni!

Mikið að gera...

2005-10-06T19:46:00.000Z

Ójá..

Tjikkens foor ðe lest tú deis

2005-09-27T17:14:00.000Z

Drasl

2005-09-27T17:01:00.000Z

Já heima hjá mér er drasl, ótrúlegur haugur af allskyns dóti sem ég hef ekki fengið af mér að henda. Því hef ég ákveðið að krækja mér í kassa og úttroða þeim af drasli sem ég einmitt, tími ekki að losa mig við í ruslið.
Ég get ekki með nokkru móti skilið hvers vegna ég bindist dauðu dóti tilfinningalegum böndum. Þetta er búið að taka núna 3 daga en ég reiknaði með síðdegiseftirmiðdegi í þetta. Af hverju svona langur tími? Því ég sé alltaf eitthvað sniðugt og segi við sjálfa mig "manstuuu?" Já þetta ber vott um agnarögn af geðveiki, ég er svosem alveg fús til þess að viðurkenna það.
En mér skal takast þetta og gera íbúðina okkar semi-minímalíska. Léttara að þrífa og svona.
Tek kannski mynd á eftir af stofunni í núverandi ástandi og kannski eftirmynd síðar?
Minnir kannski svolítið á þegar Bibbi Curver tók sig til og lagaði til í beinni heima hjá sér en ég vill nú ekki ganga alveg svo langt í þessu.

tími á kjúklingamynd?

Ésús, María og Jósep!!

2005-09-24T20:05:00.000Z

Aðstæður sem einhver kannast við? :)

Betri helmingurinn skokkaði út í sjoppu og keypti handa okkur thailenskan, og vááá gott gott gott!
Kostaði ótrúlega lítið, fengum mikið og þetta var bara æðislegt! Við aftur þangað!

Hey einn tælenskur brandari! "Heeey how do you like my tie? I bought it in Thailand!!" Ok, ekki fyndið á prenti en fyndið þegar maður segir hann sko!!

Er svo einnig að spá í að kíkja á öldurhús á eftir með vínkonum (athugaðu að ég sagði VÍNkonur) og svo er ég líka að spá í að setja inn kjúklingamyndir tvær...

rop

2005-09-22T21:01:00.000Z

Þessi hérna sko... ég finn mig svolítið í þessari þessa dagana..

Var ekki kominn tími á kjúklingavini mína?

Sveeeiiiii mér þá!

2005-09-19T18:16:00.000Z

Æji, langaði bara að segja sveimérþá.

En, ég horfði á Hjálma á laugardagskvöldið á RÚV. Og ég hef bara eitt um það að segja. HVENÆRKEMURNÝJAPLATANOGHVARERUNÆSTUTÓNLEIKAR!!!!

Já, ég gersamlega elska þetta band! Ég hef nú reyndar fundið fyrir því að annaðhvort elskaru þá eða hatar. En mér finnst það reyndar algert þroskaleysi að hata þá. Finnst það einhvernveginn...
...hvernig er hægt að hata svona góða og vel gerða tónlist? Þetta er eins og að hata Sigurrós, Hauk Mortens og Jagúar til samans! Kannski af því að þetta er ekki einhver "dillarassiframanísvertíngjaberaðofan" músík? Ussogsvei ! Þetta er mitt blogg og ég má alveg vera fordómafull gagnvart antihjálmistum og Skútersjúgandi hálfvitum!

Svo er líka ferlega ógeðslegt að vera með brjóstsviða í heilan dag. Alveg að drepast maður!

Kalt á tám og fingrum

2005-09-16T18:23:00.000Z

Finnst eiginlega eins og tærnar séu að detta af mér? Vonandi ekki samt, gæti orðið ferlega brútalt. Er nefnilega ógeðslega kalt og ég skiletta bara ekki, það er meira að segja hiti í gólfinu hérna!

Hey, þekkið þið týpurnar sem eru alltaf að segja sama brandarann? Svona niðurlægingarbrandara, svona "þessibúðerömurlegogþaðerekkertilogégfinnekkerthérnaoghvareralltstarfsfólkið" brandari! Enginn hló í fyrsta skiptið og þá er hann sagður aftur, alveg í gífurlegri afneitun um að brandarinn hafi verið ógeðslega þunnur og viðbjóðslegur og því brandarinn endurtekinn? Og kannski mögulega í þriðja sinnið?
Þetta upplifi ég daglega og bráðum ríf ég hárkolluna af brandarakellíngunni og treð henni upp í rassgatið á henni, meðan ég tek oragrænubaunadós og set hana í kjaftinn á henni. Vippa henni svo upp á færibandið eins og sænskum jólagrís og gef henni svo stóra nótu!

Urgggggghhhh!!!!!

Frítími, liðin tíð?

2005-09-16T18:19:00.000Z

Ég hætti að blogga þegar ég hætti að hafa tíma.
Ég er ekki ógeðstöff og á því ekki flatt viðhald (lesist: fartölvu)
Núna sé ég fram á aðeins meiri frítíma og get því haldið för minni áfram.

Sirkus

2005-06-26T08:07:00.000Z

Hversu desperat geta menn orðið? Opna nýja sjónvarpsstöð, láta Guðmund Steingríms vera með "opnunarávarp", endursýna gamla þætti og vera með auglýsingar aðrahverja mínútu? Auglýsa stöðina enn meira með því að gefa út samnefnt blað sem rukkað er um 300 kr fyrir og er ekkert nema auglýsingar.
Nei, held mig við gamla Skjáeinninn minn. *hnuss*

Svo er það kjúklingur dagsins.

Sundlaugar

2005-06-25T10:56:00.000Z

Fór í sund áðan. Ég og herrann ákváðum að leggja land undir fót og keyra alla leiðina upp í Árbæjarlaug. Vorum mætt sirka fimmmínútur yfir opnun og mér fannst ég vera stödd eiginlega í öðru tímabelti. Ég get eiginlega ekki alveg útskýrt þessa tilfinningu.
Ég fer ansi oft í þessa sömu laug og er hún þá yfirleitt yfirfull. Kvennaklefinn úttroðinn af blautum og berrössuðum kellíngum með gargandi krakka. Allar að reyna að yfirgnæfa hvora aðra, hvort sem er í kjaftagangi eða að skamma grísina.
Nema í morgun þá var ekki kjaftur í klefanum. Sá þó að það hafði ein kona verið á undan mér en hún var farin út í laug.
Mér leið eins og ég væri Palli (sem var einn í heiminum) eða að ég væri stödd í Stephen King sögunni sem ég man ekki hvað heitir. (Þar sem þau eru í flugvél og fara eitthvað aftur í tímann og tíminn byrjar að éta þau, eða eitthvað svoleiðis)
Allavega. Þetta var hálfkrípí og ég flýtti mér bara eins og ég gat út í laug og byrjaði að synda.
Meðalaldurinn í lauginni (að mér meðtalinni) var sirkabát 70 ár. Yngsta manneskjan fyrir utan mig og bóndann var sirkabát um sjötugt. Fer gamalt fólk í sund bara á morgnana?

Annars finnst mér ofsalega fínt að fara í sund snemma. Þá eru klefarnir hreinir og fínir. Ekki þessir ógeðslegu hárflókar útum allt sem festast svo undir löppunum á manni *ógeðshrollur*
Finnst líka æði að synda í rigningu. Ég er greinilega bara minnihlutahópur.

FM Hnakkar

2005-06-24T16:53:00.000Z

Ég hef verið að velta einu fyrir mér, áðan kveikti ég á útvarpinu og stillti á FM. Ókei, sumir segja mistök. En þá fór ég samt að spá, ætli útvarpsmennirnir þarna séu á kóki? Eða spítti? Eða kannski bara allir á Rítalíni? Það er alveg ótrúlegur hraði sem þeir geta talað á. Ef ég myndi sækja um vinnu, væri þetta þá eins og að sækja um ritarastarf?

FM Plebbi: " Einmitt, og hvað getur þú talað hratt, hversu mörg orð á mínútu?"

Ég: Orðlaus og fengi varla vinnuna...

En ég meina. Ætli það sé ekki erfitt að þurfa alltaf að vera svona hress? Ferlega hlýtur þetta að vera niðurdrepandi :S

Of mikill frítími

2005-06-24T11:30:00.000Z

Er veik heima, hef þessvegna allt of mikinn tíma til þess að láta hugann reika og skrifa eitthvað hingað inn.
Veit ekki af hverju en ég hef verið með lagið Somewhere over the rainbow á heilanum og þ.a.l með það á repeat í tölvunni. Þessi hérna syngur það...

Já, heyrði það fyrst í 50 first dates.

Langar annars að fara til Indónesíu aftur. Hvað ætli það kosti í dag? Farið fyrir einn var annars 156,000 kall fyrir 3 árum síðan. Við Pettú ákváðum að það væri málið að fara á fjögurra ára fresti þangað og ætlum að reyna að standa við það. Er náttúrulega að fara að gifta mig næsta sumar og hver veit nema að brúðkaupsferðinni verði heitið þangað? Þarf að fara að lauma þessu betur að bóndanum.

Gleymska

2005-06-24T11:23:00.000Z

Mig hefur alltaf langað til að getað skrifað almennilegar sögur. Það gerist alltaf svo margt inní hausnum á mér en á svo erfitt með að koma því frá mér. Þetta er alveg ofsalega óþægilegur galli.
Langar dáldið til þess að getað skrifa almennilega spennusögu eða smásagnasafn. Já eða bara einhverja ótrúlega klára og vel skrifaða skáldsögu.
Er fljót að detta margt sniðugt í hug en jafnfljót að gleyma. Og svo er það náttúrulega uppbygging, beinagrindin, persónur, framvinda sögunnar og fleira sem þarf að huga að. Þarf að íhuga þetta kannski aðeins betur.

Hefur líka oft langað til þess að vera stand up kómíker. Dettur í hug fullt fyndið, en eins og fyrr, gleymi ég því jafnharðan.

Ætli gleymska sé bara málið?

Eitt lítið krúttlegt ljóð

2005-06-24T11:09:00.000Z

Ef ég færi huldu

Elding lýsir upp muskaðan himininn
Milli kræklóttra trjánna glittir í vatnið sem vantaði.
Þoka umlykur fætur mínar og hendur,
Liggur lágt við jörðina eins og snjór.
Skríð í áttina að vatninu og hristi af mér
kuldahrollinn sem hríslast upp eftir hryggsúlunni.
Vatnið sem vantaði, vatnið sem beið
Læt mig rúlla útí og gleymi.
Gleymi öllu sem var til

2005-06-24T08:48:00.000Z

Regnbogar

Ok, þetta virkaði þá

2005-06-24T08:11:00.001Z

Þá get ég farið að ausa úr skálum visku minnar. Já eða bara kommentað á þessa kjúklingamynd sem ég sá í gær, fleiri á þessari síðu http://www.savagechickens.com Djöfull átti ég bágt með að pissa ekki á stólinn sem ég sit á, á meðan ég fletti í gegnum þessa síðu... *fjúff*

Ég get svo svarið það

2005-06-24T08:11:00.000Z

Ef þessi póstur kemur ekki í gegn þá verð ég fokkíngs brjáluð!!!!

Bandormur?

2005-06-24T06:57:00.000Z

Velkomin á þessa fallegu síðu. Ég ætla mér bara ekkert segja neitt frá mér. Enda skiptir það engu máli. Ætla nú bara að skrifa það sem mér dettur í hug, þegar mér dettur það í hug.

Kjúklinga post its..

2005-06-23T21:30:00.000Z

Kj�klingakart�ns

Töff

2005-06-23T20:10:00.000Z

Já núna kann ég að setja inn myndir. Ég vissi nú alveg að ég gæti klórað mig fram úr þessu. Var samt einhvernveginn viss um að ég þyrfti að borga hellíng pening fyrir að geta verið með svona myndasístem hérna en svo er víst ekki.

2005-06-23T20:09:00.000Z

Prufa 2